തിരുവനന്തപുരം: താന് കോളേജില് പഠിക്കുന്നത് വരെ ആര്എസ്എസുകാരനായിരുന്നുവെന്ന് വെളിപ്പെടുത്തി രാജിവെച്ച ഐഎഎസ് ഉദ്യോഗസ്ഥന് കണ്ണന് ഗോപിനാഥന്. കോളേജിൽ പഠിക്കുന്ന ആർഎസ്എസ് പ്രവര്ത്തകനായിരുന്നു. അവരുടെ വേഷമൊക്കെ ധരിച്ച് പതിവായി ശാഖയില് പോയിരുന്നു. ഒരിക്കല് ആര്എസ്എസ് റാലിക്കായി റാഞ്ചിവരെ പോയിട്ടുണ്ടെന്നും അദ്ദേഹം പറഞ്ഞു.
അവരുടേ ദേശം സങ്കല്പം വേറെയാണ്. തിരിച്ചറിവ് വന്നതോടെയാണ് ആര്എസ്എസില് നിന്ന് വിട്ടുപോന്നതെന്നും അദ്ദേഹം പറഞ്ഞു. സർവീസിൽനിന്ന് ഏറെ നിരാശയോടെയാണ് രാജിവെച്ചത്. കശ്മീരിന് പ്രത്യേക പദവി നല്കുന്ന ആർട്ടിക്കിൾ 370 റദ്ദാക്കിയതടക്കമുള്ള വിഷയങ്ങളിൽ കേന്ദ്രസർക്കാർ നയങ്ങളോട് വിയോജിച്ചാണ് മലയാളി ഐഎഎസ് ഉദ്യോഗസ്ഥനായിരുന്ന കണ്ണന് ഗോപിനാഥന് രാജിവെക്കുന്നത്.