സിവിൽ സർവീസ് സംഘടനകളുടെ പ്രതിഷേധം ഫലം കണ്ടില്ല; കെഎഎസ് അടിസ്ഥാന ശമ്പളം 81,800 ആയി നിശ്ചയിച്ച് സർക്കാർ ഉത്തരവിറങ്ങി

തിരുവനന്തപുരം: സിവിൽ സർവീസ് സംഘടനകളുടെ പ്രതിഷേധം ഫലം കണ്ടില്ല. കെഎഎസ് അടിസ്ഥാന ശമ്പളം 81,800 ആയി നിശ്ചയിച്ച് സർക്കാർ ഉത്തരവിറങ്ങി. ഗ്രേഡ് പേ മാത്രം ഒഴിവാക്കി. ഗ്രേഡ് പേയ്ക്ക് പകരം പരിശീലനം തീരുമ്പോൾ 2000 രൂപ വാർഷിക ഇൻക്രിമെന്റ് നല്‍കും.

സിവിൽ സർവീസ് ഉദ്യോഗസ്ഥരെക്കാൾ ശമ്പളം കെഎഎസ് ഉദ്യോഗസ്ഥർക്കു നൽകുന്നത് അംഗീകരിക്കാനാകില്ലെന്നും സ്പെഷൽ പേ നൽകണമെന്നുമുള്ള ആവശ്യത്തിൽ സിവിൽ സർവീസ് സംഘടനകൾ ഉറച്ചു നിൽക്കുകയാണ്.