ഡല്ഹി: കോവിഡ് ബാധിതരുടെ എണ്ണം കുതിച്ചുയരുന്നത് ആശങ്കപ്പെടുത്തുന്നുണ്ടെങ്കിലും ഡല്ഹിയിക്ക് സ്ഥിരമായി ലോക്ക് ഡൗണ് തുടരാന് കഴിയില്ലെന്ന് മുഖ്യമന്ത്രി അരവിന്ദ് കേജരിവാള്. ഡല്ഹിയില് കോവിഡ് ബാധിതരുടെ എണ്ണത്തില് കുതിച്ചുചാട്ടം ഉണ്ടായിട്ടുണ്ട്. എന്നാല് നാം പരിഭ്രാന്തരാകരുത്.
രണ്ട് കാര്യത്തിലാണ് ഡല്ഹിയിലെ സ്ഥിതി എന്നെ ആശങ്കപ്പെടുത്തുന്നത്. ഒന്ന് മരണങ്ങളുടെ എണ്ണം കൂടുന്നത്. മറ്റൊന്ന് ആശുപത്രി കിടക്കകളുടെ കുറവാണെന്നും കേജരിവാള് വീഡിയോ കോണ്ഫറന്സില് പറഞ്ഞു. സ്ഥിരമായ ലോക്ക്ഡൗണ് ഒന്നിനും പരിഹാരമല്ലെന്ന് അദ്ദേഹം പറഞ്ഞു. എല്ലാ മുന്കരുതലുകളും സ്വീകരിച്ച് മുന്നോട്ട് കൊണ്ടുപോകേണ്ടതുണ്ട്. പകര്ച്ചവ്യാധിക്കൊപ്പം ജീവിക്കാന് ഡല്ഹി നിവാസികള് ശീലിക്കേണ്ടിവരുമെന്നും അദ്ദേഹം ആവര്ത്തിച്ചു.