തിരുവനന്തപുരം: സംസ്ഥാനത്ത് സഞ്ചരിക്കുന്ന അഞ്ച് ഭക്ഷ്യസുരക്ഷ ലബോറട്ടറികള്. ഭക്ഷണ പദാര്ത്ഥങ്ങളിലെ മായം കണ്ടുപിടിക്കുന്നതിനാണ് ലബോറട്ടറികള്. ഇതില് മൂന്ന് ലബോറട്ടറികള് ഭക്ഷ്യ വസ്തുക്കളുടെ രാസപരവും മൈക്രോബയോളജിക്കല് പ്രകാരമുള്ള മാനദണ്ഡങ്ങളും മറ്റ് രണ്ട് ലാബുകളില് രാസപരമായ മാനദണ്ഡങ്ങളും പരിശോധിക്കുവാന് കഴിയുന്നതാണ്.
ഭക്ഷ്യ സുരക്ഷ പരിശോധനകള് കൂടുതല് കാര്യക്ഷമമാക്കാന് ഈ സഞ്ചരിക്കുന്ന ലബോറട്ടറികള് സഹായകരമാകുമെന്ന് മന്ത്രി കെ.കെ. ശൈലജ പറഞ്ഞു. നിലവില് കേരളത്തില് മൂന്ന് സഞ്ചരിക്കുന്ന ഭക്ഷ്യ പരിശോധനാ ലബോറട്ടറികളാണ് പ്രവര്ത്തിക്കുന്നത്.
തിരുവനന്തപുരം, കൊല്ലം, എറണാകുളം, തൃശൂര്, പാലക്കാട്, കോഴിക്കോട്, മലപ്പുറം, കണ്ണൂര് എന്നീ ജില്ലകള് കേന്ദ്രമാക്കിയാണ് ഈ ലാബുകള് പ്രവര്ത്തിക്കുക.