തിരുവനന്തപുരം: തെക്കന് കേരളത്തില് പലയിടങ്ങളിലും കനത്ത മഴയും കാറ്റും. ശക്തമായ കാറ്റിനെ തുടര്ന്ന് ചിലയിടങ്ങളില് മരങ്ങള് കടപുഴകി വീണതായി വിവരമുണ്ട്. എന്നാല് മറ്റുനാശനഷ്ടങ്ങളോ ആളപായങ്ങളോ റിപ്പോര്ട്ട് ചെയ്തിട്ടില്ല.
കോട്ടയം ജില്ലയില് പലയിടത്തും ഞായറാഴ്ച വൈകുന്നേരത്തോടെ ശക്തമായ മഴയുണ്ടായി. കുറുവിലങ്ങാട്ട് ഒരു വീടിന്റെ മേല്ക്കൂര കാറ്റില് പറന്നുപോയി. കൃഷിസ്ഥലങ്ങളിലെ വാഴകള് കൂട്ടത്തോടെ നിലംപൊത്തി. ചങ്ങനാശേരി പായിപ്പാട് വൈദ്യുതി പോസ്റ്റുകള് ഒടിഞ്ഞ് റോഡിലേക്കു വീണു. തിരുവനന്തപുരത്തും ശക്തമായ മഴയാണ് പെയ്യുന്നത്. പലയിടത്തും മഴ തുടരുകയാണ്