ഡല്‍ഹി: ആലുവ കൂട്ടക്കൊലക്കെസിലെ പ്രതി ആന്റണിയുടെ വധശിക്ഷ ജീവപര്യന്തമാക്കി ഇളവ് ചെയ്ത് സുപ്രീംകോടതി ഉത്തരവ്. നേരത്തെ വിചാരണ കോടതിയും ഹൈക്കോടതിയും സുപ്രീംകോടതിയും വധശിക്ഷ ശരിവച്ചിരുന്നു.
/ "publive-image")
ഇതിനെതിരെ ആന്റണി ദയാഹര്‍ജിയുമായി രാഷ്ട്രപതിയെ സമീപിച്ചെങ്കിലും രാഷ്ട്രപതിയും ദാഹായര്‍ജി തള്ളുകയായിരുന്നു. ഒടുവില്‍ വീണ്ടും നിയമത്തിലെ ചില പഴുതുകള്‍ ഉപയോഗപ്പെടുത്തി ആന്റണി സുപ്രീംകോടതിയെ സമീപിക്കുകയായിരുന്നു.
വധശിക്ഷ വിധിക്കുന്ന ഹര്‍ജി തുറന്ന കോടതിയില്‍ പരിഗണിക്കണമെന്നായിരുന്നു അഭിഭാഷകന്റെ വാദം. ഈ വാദം കേട്ട കോടതി വധശിക്ഷ ജീവപര്യന്തമാക്കി കുറയ്ക്കാന്‍ ഉത്തരവ് ഇടുകയായിരുന്നു.
2001 ജനുവരി 6 ന് ആലുവയില്‍ മാഞ്ഞൂരാന്‍ കുടുംബത്തിലെ 6 പേര്‍ കൊല്ലപ്പെട്ട കേസിലാണ് കോടതിയുടെ നിര്‍ണ്ണായകമായ ഉത്തരവ്. മാഞ്ഞൂരാന്‍ വീട്ടില്‍ അഗസ്റ്റിന്‍ (47) ഭാര്യ ബേബി (42), മക്കളായ ജെയ്‌മോന്‍ (14) ദിവ്യ (12) അഗസ്റ്റിന്റെ മാതാവ് ക്ലാര തൊമ്മി (74) സഹോദരി കൊച്ചുറാണി (42) എന്നിവരാണ് ക്രൂരമായി കൊലചെയ്യപ്പെട്ടത്.
Follow Us/sathyam/media/agency_attachments/5VspLzgrB7PML1PH6Ix6.png)
