കൊച്ചി: സംസ്ഥാനത്തെ ആദ്യ കൊറോണ മരണത്തിനിരയായ എറണാകുളം ഫോർട്ട് കൊച്ചി ചുള്ളിക്കൽ സ്വദേശിയായ 69 കാരൻ കടുത്ത ഹൃദ്രോഗത്തിനും ഉയർന്ന രക്തസമ്മർദ്ദത്തിനും ചികിത്സയിലായിരുന്ന രോഗി. ഹൃദ്രോഗ ബാധയെ തുടർന്ന് ഇദ്ദേഹത്തിന് ബൈപ്പാസ് സർജറിയും നടത്തിയിരുന്നു.
ദുബായിൽ നിന്നെത്തിയ ഇദ്ദേഹത്തെ കഴിഞ്ഞ 22 നാണ് കടുത്ത ന്യുമോണിയ ലക്ഷണങ്ങളോടെ എറണാകുളത്തെ കോവിഡ് ചികിത്സ കേന്ദ്രത്തിൽ എത്തിച്ചത്.
കഴിഞ്ഞ ദിവസം ഇദ്ദേഹത്തെ വെന്റിലേറ്ററിലേക്ക് മാറ്റിയിരുന്നു. ഇന്ന് രാവിലെ 8 മണിയോടെയായിരുന്നു മരണം.
ഹൃദ്രോഗ സംബന്ധമായ എല്ലാ ആരോഗ്യ ലക്ഷങ്ങളും കലശലായതിനിടെ കൊറോണ വൈറസ് ബാധ കൂടി ഏറ്റതോടെയാണ് ഇദ്ദേഹത്തിന്റെ ആരോഗ്യ നില വഷളായത്. മൃതദേഹം ബന്ധുക്കൾക്ക് കൈമാറി. ഉടൻ തന്നെ സംസ്കാരം നടക്കും.