തിരുവനന്തപുരം: കാസര്‍കോട്ട് രണ്ട് യൂത്ത് കോണ്‍ഗ്രസ് പ്രവര്‍ത്തകര്‍ അരും കൊല ചെയ്യപ്പെട്ട സംഭവത്തില്‍ കോണ്‍ഗ്രസ് പ്രസിഡന്റ് രാഹുല്‍ഗാന്ധി കേരളാ നേതാക്കളെ ഫോണില്‍ വിളിച്ച് ഞെട്ടലും ദുഖവും അറിയിച്ചു.
/ "publive-image")
കൊല്ലപ്പെട്ടവരുടെ കുടുംബാംഗങ്ങളുമായി സംസാരിക്കാന്‍ രാഹുല്‍ഗാന്ധി ആഗ്രഹം പ്രകടിപ്പിച്ചുവെങ്കിലും ദുഖം തളം കെട്ടി നില്‍ക്കുന്ന അന്തരീക്ഷത്തില്‍ അതിന് കഴിഞ്ഞില്ല. ശവസംസ്‌കാരത്തിന് ശേഷം കുടംബാംഗങ്ങളോട് സംസാരിക്കുമെന്നും അദ്ദേഹം അറിയിച്ചു.
പ്രതിപക്ഷ നേതാവ് രമേശ് ചെന്നിത്തല, കെ പി സി സി പ്രസിഡന്റ് മുല്ലപ്പള്ളി രാമചന്ദ്രന്‍ ഐ ഐ സി സി ജനറല്‍ സെക്രട്ടരി കെ സി വേണുഗോപാല്‍ കെ സി ജോസഫ് എം എല്‍ എ എന്നിവര്‍ കൊല്ലപ്പെട്ട യൂത്ത് കോണ്‍ഗ്രസ് പ്രവര്‍ത്തകരുടെ വീട് സന്ദര്‍ശിച്ച വേളയിലാണ് രാഹുല്‍ ഗാന്ധി അവരോട് ഫോണില്‍ സംസാരിച്ചത്.
നേരത്തെ രാഹുല്‍ ഗാന്ധി തന്റെ ട്വിറ്ററിലൂടെ ക്രൂരമായി ഈ കൊലപാതകത്തെ അപലപിക്കുകയും, അനുശോചനം രേഖപ്പെടുത്തുകയും ചെയ്തിരുന്നു. മുന്‍ മന്ത്രി എ പി അനില്‍കുമാര്‍ എം എല്‍ എ മാരായ അന്‍വര്‍ സാദത്ത്, ശബരീനാഥ്, ഷാഫി പറമ്പില്‍ എന്നിവരും നേതാക്കളോടൊപ്പം കൊല്ലപ്പെട്ട യൂത്ത് കോണ്‍ഗ്രസ് പ്രവര്‍ത്തകരുടെ വീടുകള്‍ സന്ദര്‍ശിച്ചു.
Follow Us/sathyam/media/agency_attachments/5VspLzgrB7PML1PH6Ix6.png)
