കൊച്ചി: നടനും അമ്മ മുന് പ്രസിഡന്റുമായ ഇന്നസെന്റിന് ചാലക്കുടിയില് രണ്ടാമൂഴം ഉണ്ടാകില്ലെന്ന് സൂചന. ഇന്നസെന്റിനെ വീണ്ടും മത്സരിപ്പിക്കേണ്ടതില്ലെന്ന നിലപാടിലേക്ക് സി പി എം എത്തിയിരിക്കുന്നു എന്നാണ് പുതിയ റിപ്പോര്ട്ടുകള്.
എം പി എന്ന നിലയില് മികച്ച പ്രവര്ത്തനം കാഴ്ച വയ്ക്കാന് അദ്ദേഹത്തിനായില്ലെന്ന വിമര്ശനം പാര്ട്ടിയില് ശക്തമായിരുന്നു. മാത്രമല്ല, നടി ആക്രമിക്കപ്പെട്ട കേസില് ഇന്നസെന്റിന്റെ നിലപാടുകള് വ്യാപകമായ വിമര്ശനങ്ങള് ക്ഷണിച്ചുവരുത്തിയിരുന്നു. ഈ സാഹചര്യത്തില് വിജയ സാധ്യത സംബന്ധിച്ചും പാര്ട്ടിക്ക് സംശയമുണ്ട്. അണികള്ക്കിടയില് ഇന്നസെന്റിനോടുള്ള അസംതൃപ്തി വേറെയും.
പുതിയ സാഹചര്യത്തില് എസ് എഫ് ഐ മുന് സംസ്ഥാന അധ്യക്ഷന് യു പി ജോസഫിനായിരിക്കും ചാലക്കുടിയില് മുന്ഗണന എന്നാണ് റിപ്പോര്ട്ട്. എറണാകുളത്തിന് പുറമേ ചാലക്കുടിയിലും പി രാജീവിന്റെ പേരും പരിഗണനയിലുണ്ട്.
എന്നാല് സമുദായ പരിഗണനകള് യു പി ജോസഫിന് തുണയാകും. തൃശൂരില് നിന്നുള്ള സംസ്ഥാന സെക്രട്ടറിയേറ്റ് അംഗം കെ രാധാകൃഷ്ണന്റെ പിന്തുണ ജോസഫിനാണ്. രാധാകൃഷ്ണന് മന്ത്രിയായിരിക്കെ പ്രൈവറ്റ് സെക്രട്ടറി ആയിരുന്നു യു പി ജോസഫ്.
തൃശൂരില് സി പി ഐ സ്ഥാനാര്ഥി ക്രിസ്ത്യന് വിഭാഗത്തില് നിന്നാണെങ്കില് ഇവിടെ പി രാജീവിനാകും സാധ്യത. ഇവിടെ രാജാജി മാത്യു തോമസിനെ സി പി ഐ പരിഗണിക്കുന്നുണ്ട്. എങ്കില് യു പി ജോസഫിന് ചാലക്കുടിയില് സാധ്യതയില്ല.
അതേസമയം, മറ്റൊരു സമുദായത്തില് നിന്നാണ് തൃശൂരിലെ സ്ഥാനാര്ഥിയെങ്കില് ചാലക്കുടിയില് ക്രിസ്ത്യന് സമുദായത്തില് നിന്നുള്ള സ്ഥാനാര്ഥിക്കാകും സാധ്യത. അത് യു പി ജോസഫിന് ഗുണം ചെയ്യും.