ഡല്‍ഹി: കാസര്‍കോഡ് പെരിയയില്‍ ഒന്നിന് പിന്നാലെ മറ്റൊന്നുകൂടി എന്ന നിലയില്‍ 2 യൂത്ത് കോണ്‍ഗ്രസ് പ്രവര്‍ത്തകര്‍ കൊല്ലപ്പെട്ടപ്പോള്‍ സഹപ്രവര്‍ത്തകരുടെ കടിച്ചമര്‍ത്താന്‍ വന്ന അമര്‍ഷം സംസ്ഥാന ഹര്‍ത്താലായി മാറിയത് വിവാദമായിരുന്നു. ഈ ഹര്‍ത്താലിന്റെ പേരില്‍ 193 കേസുകള്‍ കൂട്ടത്തോടെ ചുമത്തി ഡീന്‍ കുര്യാക്കോസിനെ കേസില്‍ തളച്ചിടാനുള്ള നീക്കം ഒരു വശത്ത് നടക്കുമ്പോള്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി മറ്റൊന്ന് തീരുമാനിച്ചു.
/sathyam/media/post_attachments/VrBbd6vPrOFeDxfowty8.jpg "publive-image")
ഇന്നലെ കാസര്‍കോട് കൊല്ലപ്പെട്ട യൂത്ത് കോണ്‍ഗ്രസ് പ്രവര്‍ത്തകരുടെ മാതാപിതാക്കളെ നെഞ്ചോട്‌ ചേര്‍ത്തണച്ച രാഹുല്‍, ആ അറുംകൊലയ്ക്കെതിരെ പ്രതിഷേധിച്ച യൂത്ത് കോണ്‍ഗ്രസ് നായകനെ കയ്യൊഴിയാന്‍ തയാറായില്ല.
രാവിലെ ഡല്‍ഹിയില്‍ ചേര്‍ന്ന സ്ക്രീനിംഗ് കമ്മിറ്റി യോഗത്തിന് മുമ്പ് നേതാക്കള്‍ക്ക് കൃത്യമായ സന്ദേശമെത്തി - ഇടുക്കിയില്‍ ഡീന്‍ കുര്യാക്കോസിനെ പരിഗണിക്കണം. നിര്‍ദ്ദേശം രാഹുല്‍ ഗാന്ധിയുടേതാണ്. കൊന്ന് തള്ളാനൊരുങ്ങിയവര്‍ക്ക് മുമ്പിലേക്ക് യൂത്ത് കോണ്‍ഗ്രസിന്റെ പടക്കുതിരകളെ അഴിച്ചുവിടാനാണ് രാഹുല്‍ നല്‍കിയ നിര്‍ദ്ദേശം.
/sathyam/media/post_attachments/kpGlAlb7OXAGFG0K7FB0.jpg "publive-image")
അങ്ങനെയെങ്കില്‍ 5 വര്‍ഷം മുമ്പ് ഇടുക്കി കണ്ട സൌമ്യനായ വ്യക്തിത്വമായിരിക്കില്ല ഇത്തവണ ഡീന്‍ കുര്യാക്കോസ്. ഇടതും വലതും നിന്ന സഹപ്രവര്‍ത്തകരെ ഇറച്ചിത്തുണ്ടം പോലെ വെട്ടിനുറുക്കിയ രാഷ്ട്രീയത്തിനെതിരെയാണ് ഡീനിന്റെ പടയൊരുക്കം.
/sathyam/media/post_attachments/PllEEK3DHOqmVTsGLszT.jpg "publive-image")
യൂത്ത് കോണ്‍ഗ്രസ് സഹപ്രവര്‍ത്തകരുടെ കൊലപാതകത്തിനെതിരെ പ്രതിഷേധിച്ചതിന് ജയിലെങ്കില്‍ ജയില്‍, തടവെങ്കില്‍ തടവ് എന്ന്‍ പ്രഖ്യാപിച്ചാണ് ഡീന്‍ കേസിനെ നേരിട്ടത്. അങ്ങനെ 193 കേസുകളുമായി ഡീനിനെ വേട്ടയാടാന്‍ കാത്തിരിക്കുന്നവര്‍ക്ക് മുമ്പിലേക്കാണ് ഇപ്പോള്‍ യുവനേതാവിനെ സ്ഥാനാര്‍ഥി ആക്കിയിരിക്കുന്നത്.
Follow Us/sathyam/media/agency_attachments/5VspLzgrB7PML1PH6Ix6.png)
