കോഴിക്കോട്: പൊന്നാനി ലോക്സഭാ സീറ്റില്‍ ഇത്തവണ ഇ ടി മുഹമ്മദ് ബഷീര്‍ എം പിയ്ക്കൊപ്പം പാണക്കാട്, സാദിഖലി ശിഹാബ് തങ്ങളുടെ പേരും പരിഗണനയിലെന്ന് സൂചന.
/ "publive-image")
രണ്ടു തവണ പൊന്നാനിയില്‍ നിന്നും വിജയിച്ച ഇ ടി മുഹമ്മദ് ബഷീറിനെ ഇവിടെ വീണ്ടും മത്സരിപ്പിക്കുന്നതിനെതിരെ ലീഗ് അണികള്‍ക്കിടയില്‍ ഭിന്നത നിലനില്‍ക്കുന്നുണ്ട്. മാത്രമല്ല, പാണക്കാട് കുടുംബത്തില്‍ നിന്നും പാര്‍ലമെന്‍ററി രംഗത്ത് പ്രാതിനിധ്യം ഉണ്ടാകണമെന്ന ആവശ്യവും ശക്തമാണ്.
അതേസമയം, ലീഗ് മൂന്നാം സീറ്റായി കാസര്‍കോഡ് ആവശ്യപ്പെട്ടതും ഈ ലക്‌ഷ്യം മുന്നില്‍ കണ്ടാണെന്ന് പറയപ്പെടുന്നു. പൊന്നാനിയില്‍ ഇ ടി മുഹമ്മദ് ബഷീര്‍ സീറ്റ് ഉറപ്പിച്ചെന്ന നിലയില്‍ പ്രചരണത്തിന്റെ മുന്നൊരുക്കങ്ങളുമായി സജീവമാണ്.
പ്രചരണ കമ്മറ്റികള്‍ക്കും സോഷ്യല്‍ മീഡിയ ഓപ്പറേഷന്‍ ഗ്രൂപ്പുകള്‍ക്കും രൂപം നല്‍കി കഴിഞ്ഞു. അതിനാല്‍ തന്നെ യു ഡി എഫില്‍ നിന്നും മൂന്നാം സീറ്റ് ചോദിച്ചുവാങ്ങി സാദിഖലിയേയോ യൂത്ത് ലീഗ് ജനറല്‍ സെക്രട്ടറി പി കെ ഫിറോസിനെയോ മത്സരിപ്പിക്കാനാണ് ആലോചന.
പാണക്കാട് കുടുംബാംഗം പാര്‍ലമെന്‍ററി രംഗത്തേക്ക് പ്രവേശിക്കുന്നത് സംബന്ധിച്ച ചര്‍ച്ചകള്‍ ഇപ്പോഴും പാര്‍ട്ടിയില്‍ സജീവമാണ്. പാണക്കാട് കുടുംബം മത്സരിക്കണമെന്ന നിലപാടുള്ള വിഭാഗം ലീഗില്‍ ശക്തിപ്പെടുകയാണ്‌. അതേസമയം, ലീഗിലെ ഭൂരിപക്ഷത്തിന്റെ നിലപാട് പാണക്കാട് കുടുംബം തെരഞ്ഞെടുപ്പ് രാഷ്ട്രീയത്തിലേക്ക് കടക്കരുതെന്നാണ്.
ഈ സാഹചര്യത്തില്‍ സാദിഖലി ശിഹാബ് തങ്ങള്‍ മത്സര രംഗത്ത് വന്നില്ലെങ്കില്‍ ലീഗിന്റെ സാധ്യത പി കെ ഫിറോസിനാണ്. പൊന്നാനിയില്‍ മന്ത്രി കെ ടി ജലീല്‍ മത്സരിക്കാനിറങ്ങിയാലും ഇവിടെ ഫിറോസിനെ രംഗത്തിറക്കാനുള്ള തീരുമാനത്തിലേക്ക് ലീഗ് പൊയ്ക്കൂടെന്നില്ല.
Follow Us/sathyam/media/agency_attachments/5VspLzgrB7PML1PH6Ix6.png)
