വയനാട്: അന്തരിച്ച കോണ്‍ഗ്രസ് നേതാവും വയനാട് എം പിയുമായിരുന്ന എം ഐ ഷാനവാസിന്റെ മകള്‍ അമിന ഷാനവാസ് വയനാട് ലോക്സഭാ സീറ്റിലേക്ക് സജീവ പരിഗണനയില്‍. നാളെ കൊച്ചിയിലെത്തുന്ന കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി എറണാകുളം നോര്‍ത്ത് എസ് ആര്‍ എം റോഡിലെ എം ഐ ഷാനവാസിന്റെ വസതി സന്ദര്‍ശിക്കുന്നത് അമിനയുടെ സ്ഥാനാര്‍ഥിത്വം മുന്‍നിര്‍ത്തിയാണെന്നാണ് റിപ്പോര്‍ട്ടുകള്‍.
/ "publive-image")
മുതിര്‍ന്ന നേതാവ് എ കെ ആന്റണിയുടെ താല്പര്യമാണ് അമിനയുടെ സ്ഥാനാര്‍ഥിത്വത്തിന് പിന്നിലെന്നാണ് സൂചന. അമിനയെ സ്ഥാനാര്‍ഥിയാക്കുന്നതിലൂടെ ന്യൂനപക്ഷ പ്രാതിനിധ്യവും വനിതാ പ്രാതിനിധ്യവും പരിഗണിക്കപ്പെടുകയും ചെയ്യും.
കോണ്‍ഗ്രസിന്റെ നിലവിലെ സ്ഥാനാര്‍ഥി പട്ടികയില്‍ സാധ്യതയുള്ള വനിതാ പ്രാതിനിധ്യം കടന്നുകൂടിയിട്ടില്ല. ഷാനിമോള്‍ ഉസ്മാന്‍ വയനാടിനു വേണ്ടിയും ആലപ്പുഴയ്ക്ക് (കെ സി വേണുഗോപാല്‍ മത്സരിക്കുന്നില്ലെങ്കില്‍) വേണ്ടിയും രംഗത്തുണ്ടെങ്കിലും ജയസാധ്യത കുറവായിട്ടാണ് പാര്‍ട്ടി വിലയിരുത്തല്‍.
എന്നാല്‍ പാര്‍ട്ടിയിലെ പ്രബലരെ മാറ്റി നിര്‍ത്തി യു ഡി എഫിന്റെ ഉറച്ച മണ്ഡലത്തില്‍ കുടുംബ രാഷ്ട്രീയം പരീക്ഷിക്കാന്‍ ശ്രമിച്ചാല്‍ അത് എത്രത്തോളം ഫലപ്രദമായിരിക്കും എന്ന് സംശയം ഉയരുന്നുണ്ട്. അമിനയുടെ സ്ഥാനാര്‍ഥിത്വത്തിനെതിരെ വ്യാപക വിമര്‍ശനങ്ങളാണ് കോണ്‍ഗ്രസ് നേതാക്കള്‍ക്കിടയില്‍ ഉയരുന്നത്.
കോണ്‍ഗ്രസ് നേതാക്കള്‍ ഒറ്റക്കെട്ടായി ഈ നീക്കത്തെ എതിര്‍ക്കുകയാണ്. എം ഐ ഷാനവാസിനെ എതിര്‍ത്തവരാണ് മണ്ഡലത്തിലെ കോണ്‍ഗ്രസ് നേതാക്കള്‍. മാത്രമല്ല, ജനതാദള്‍ മുന്നണി മാറിയ സാഹചര്യത്തില്‍ പഴയ സുരക്ഷിതത്വം യു ഡി എഫിന് വയനാട്ടിലില്ലെന്നും ചൂണ്ടിക്കാണിക്കപ്പെടുന്നു.
50000 ത്തോളം ജനതാദള്‍ വോട്ടുകള്‍ ഇതിലൂടെ ഇടതിലേക്ക് കൈമാറ്റപ്പെടും. ഈ സാഹചര്യത്തില്‍ സ്വീകാര്യനായ സ്ഥാനാര്‍ഥി ഇല്ലെങ്കില്‍ വയനാട്ടില്‍ യു ഡി എഫിന് വിയര്‍പ്പൊഴുക്കേണ്ടിവരും.
Follow Us/sathyam/media/agency_attachments/5VspLzgrB7PML1PH6Ix6.png)
