വി കെ ശ്രീകണ്ഠന്റെ ജയ്ഹോയില്‍ അണിനിരക്കാന്‍ കെ മുരളീധരന്‍ നാളെ അട്ടപ്പാടിയില്‍. രമേശ്‌ ചെന്നിത്തല 10 ന് കല്ലടിക്കോട്

പാലക്കാട്: ഡി സി സി അധ്യക്ഷന്‍ വി കെ ശ്രീകണ്ഠന്‍ നയിക്കുന്ന ജയ്ഹോ യാത്രയില്‍ പങ്കാളിയാകാന്‍ കെ പി സി സി പ്രചരണ വിഭാഗം അധ്യക്ഷന്‍ കെ മുരളീധരനെത്തുന്നു. ശനിയാഴ്ച ഉച്ചയ്ക്ക് അട്ടപ്പാടിയില്‍ നടക്കുന്ന സ്വീകരണ സമ്മേളനം ഉത്ഘാടനം ചെയ്യുന്നത് കെ മുരളീധരനാണ്.

18 ദിവസമായി തുടരുന്ന ജയ്‌ഹോ യാത്രയില്‍ വന്‍ ജനപങ്കാളിത്തമാണ് കണ്ടുവരുന്നത്. കഴിഞ്ഞ ദിവസം കേരളത്തിലെ സാമൂഹ്യ ജീവിതം പഠിക്കാനെത്തിയ സ്വീഡനില്‍ നിന്നുള്ള വിദേശ അധ്യാപകരുടെ സംഘം 4 കി.മീ. ദൂരത്തില്‍ വി കെ ശ്രീകണ്ഠനൊപ്പം യാത്രയില്‍ അണിനിരന്നിരുന്നു.

പ്രതിപക്ഷ നേതാവ് രമേശ്‌ ചെന്നിത്തല 10 -)൦ തീയതി കല്ലടിക്കോട് വച്ച് 8 കി.മീ. ദൂരത്തില്‍ ജയ്ഹോ പദയാത്രയില്‍ പങ്കുചേരുന്നുണ്ട്.  അന്നത്തെ സമാധാന സമ്മേളനം ഉദ്ഘാടനം ചെയ്യുന്നതും രമേശ്‌ ചെന്നിത്തലയാണ്. ജയ്ഹോയുടെ സമാപന സമ്മേളനത്തിന് പാലക്കാട് എത്തുന്നത് ഉമ്മന്‍ചാണ്ടിയും കെ സുധാകരനുമാണ്.