കെ എസ് യു ഓണക്കുഴി മത്സരം: അടൂരിലെ റോഡുകളിലെ ഏറ്റവും മികച്ച കുഴി കണ്ടെത്തൂ. മികച്ച കുഴി ചിത്രങ്ങള്‍ക്ക് സമ്മാനങ്ങള്‍ !

മഴക്കാലം കഴിഞ്ഞതോടെ കേരളത്തിലെ ഒട്ടുമിക്ക റോഡുകളും തോടുകളായി മാറിക്കഴിഞ്ഞിരിക്കുകയാണ്.  ഈയവസ്ഥ ജനപ്രതിനിധികളുടെ കണ്‍മുന്നില്‍ എത്തിക്കാനായി പത്തനംതിട്ട അടൂരെ നാട്ടുകാര്‍ അവസാനം ഒരു വഴി കണ്ടെത്തിയിരിക്കുകയാണ്.

മഴക്കാലമെത്തിയതോടെ പത്തനംതിട്ട അടൂരെ മിക്ക റോഡുകളും തകര്‍ന്ന നിലയിലാണ്. ഇതിനെതിരെ നിരവധി ജനകീയ പ്രതിഷേധങ്ങളും ഉയരുന്നുണ്ട്.

ഇതിനിടെയാണ് ഓണക്കുഴി മത്സരവുമായി അടൂരെ കെ.എസ്.യുക്കാര്‍ രംഗത്തെത്തിയിരിക്കുന്നത്. അടൂരിലെ റോഡുകളിലെ ഏറ്റവും മികച്ച കുഴി ഏതെന്ന് തിരഞ്ഞെടുക്കാനുള്ള അവസരമാണ് ജനങ്ങള്‍ക്ക് നല്‍കുന്നത്. ഒപ്പം കുഴിയുടെ മികച്ച ചിത്രങ്ങള്‍ക്ക് സമ്മാനവും നല്‍കും.

എന്‍.എസ്.യു ദേശീയ സെക്രട്ടറി രാഹുല്‍ മാങ്കുട്ടത്തിലിന്റെ നേതൃത്വത്തിലാണ് മത്സരം. ആഗസ്റ്റ് 15 രാത്രി പത്ത് മണി വരെ ചിത്രങ്ങള്‍ അയയ്ക്കാം. ഒന്നാം സ്ഥാനത്തിന് 501 രൂപയും കണ്ണടയുമാണ് സമ്മാനം. രണ്ടാം സ്ഥാനത്തിന് 301രൂപയും, മൂന്നാം സ്ഥാനത്തിന് 201 രൂപയും നല്‍കും.