തിരുവനന്തപുരം: വ്യവസായ മന്ത്രി ഇ പി ജയരാജനെ ദുർഗുണ പരിഹാര പാഠശാലയിലേക്ക് അയയ്ക്കണമെന്ന് പ്രതിപക്ഷ നേതാവ് രമേശ് ചെന്നിത്തല. നിയമസഭയിൽ ഷാഫി പറമ്പിൽ എം എൽ എയെ 'കള്ള റാസ്കൽ' എന്ന് അഭിസംബോധന ചെയ്ത സംഭവത്തിലായിരുന്നു ചെന്നിത്തലയുടെ പ്രതികരണം.
സഭയുടെ നടപടിക്രമങ്ങൾക്കും മാന്യതയ്ക്കും ചേരാത്ത വിധം പ്രവർത്തിച്ച മന്ത്രി ജയരാജനെതിരെ നടപടി ആവശ്യപ്പെട്ട് പ്രതിപക്ഷം സ്പീക്കർക്ക് കത്ത് നൽകി.
പ്രതിപക്ഷത്തെയും മന്ത്രി ജയരാജനെയും ഒന്നിച്ചിരുത്തി സ്പീക്കർ സഭാ രേഖകൾ പരിശോധിച്ച് നടപടി സ്വീകരിക്കണമെന്നാണ് ആവശ്യം.