കോട്ടയം: കെവിൻ വധക്കേസിൽ അന്വേഷണത്തിൽ കൃത്യവിലോപം നടത്തിയതിന് പോലീസ് ഉദ്യോഗസ്ഥർക്കെതിരെ നടപടി. ഗാന്ധിനഗര് മുന് എസ്ഐ എം.എസ്.ഷിബുവിന് പിരിച്ചുവിടൽ നോട്ടീസ് നൽകി.
കൊച്ചി റേഞ്ച് ഐജി വിജയ് സാഖ്റെയാണ് നോട്ടീസ് അയച്ചത്. മറുപടി പതിനഞ്ച് ദിവസത്തിനകം നൽകണമെന്നാവശ്യപ്പെട്ടാണ് നോട്ടീസ്.
കെവിനെ തട്ടിക്കൊണ്ടുപോയെന്ന പരാതി ലഭിച്ചിട്ടും നടപടി എടുക്കാതിരുന്ന കുറ്റത്തിനാണ് നോട്ടീസ് അയച്ചത്. നേരത്തെ എസ്ഐ ടി.എം ബിജുവിനെ പ്രതികളിൽ നിന്നും കൈക്കൂലി വാങ്ങിയ കേസിൽ പിരിച്ചുവിട്ടിരുന്നു.