പ്യോംഗ്യാംഗ്: ഉത്തരകൊറിയന് നേതാവ് കിം ജോംഗ് ഉന്നിന്റെ പിതൃസഹോദരി കിം ക്യോംഗ് ഹുയി ആറു വര്ഷത്തെ ഇടവേളയ്ക്കു ശേഷം വീണ്ടും പൊതുവേദിയില് പ്രത്യക്ഷപ്പെട്ടു.
ഇവര് പ്യോംഗ്യാംഗിലെ തിയറ്ററില് നടന്ന ചാന്ദ്രപുതുവര്ഷാഘോഷ പരിപാടികള് വീക്ഷിക്കുന്ന ചിത്രം ഉത്തരകൊറിയ പുറത്തുവിട്ടു. കിമ്മിനും ഭാര്യ റി സോള് ജുവിനും ഒപ്പമിരുന്നാണ് കിം ക്യോംഗ് പരിപാടികള് കണ്ടത്.
കിമ്മിന്റെ പിതാവ് കിം ജോംഗ് രണ്ടാമന്റെ ഏകസഹോദരിയാണ് കിം ക്യോംഗ് ഹുയി. കിം ജോംഗ് രണ്ടാമന് മരിച്ച ശേഷം 2011ലാണ് കിം ജോംഗ് ഉന് അധികാരത്തിലെത്തിയത്. 2013 ഡിസംബറില് ചാരപ്രവര്ത്തനം ആരോപിച്ച് കിം ക്യോംഗിന്റെ ഭര്ത്താവ് ജംഗ് സോംഗിനെ വധശിക്ഷയ്ക്കു വിധിച്ചിരുന്നു. ഇതോടെയാണ് കിം ക്യോംഗിനെയും വധിച്ചെന്നു അഭ്യൂഹങ്ങള് ഉയരുന്നത്.
പുതിയ ചിത്രം പുറത്തുവന്നതോടെ കിം ക്യോംഗ് വധിക്കപ്പെട്ടുവെന്ന അഭ്യൂഹങ്ങള്ക്ക് വിരാമമായി. വര്ക്കേഴ്സ് പാര്ട്ടിയുടെ ഡിപ്പാര്ട്ട്മെന്റല് ഡയറക്ടറായും ഫോര്-സ്റ്റാര് ആര്മി ജനറലായും കിം ക്യോംഗ് പ്രവര്ത്തിച്ചിട്ടുണ്ട്.