കോഴിക്കോട്: നിയമസഭാ തെരഞ്ഞെടുപ്പില് അഴിക്കോട്ട് നിന്ന് മത്സരിക്കാനില്ലെന്ന് കെ.എം. ഷാജി. മുസ്ലീം ലീഗിനോടാണ് അദ്ദേഹം ഇക്കാര്യം അറിയിച്ചത്. പകരം കാസര്ഗോഡ് സീറ്റില് നിന്ന് മത്സരിക്കാനാണ് അദ്ദേഹം താത്പര്യം അറിയിച്ചത്.
കാസര്ഗോഡോ കണ്ണൂരോ അല്ലാതെ മറ്റൊരു സീറ്റിലും മത്സരിക്കാന് താത്പര്യമില്ലെന്നും ഈ സീറ്റുകള് ലഭിച്ചില്ലെങ്കില് തെരഞ്ഞെടുപ്പില് മത്സരിക്കില്ലെന്നും അദ്ദേഹം അറിയിച്ചു. അഴിക്കോട് സീറ്റും കണ്ണൂര് സീറ്റും വച്ചു മാറുന്ന കാര്യവും അദ്ദേഹം നിര്ദേശിച്ചിട്ടുണ്ട്.