കോഴിക്കോട്: വിജിലന്സ് അഴീക്കോട് എംഎല്എ കെ.എം.ഷാജിയുടെ വീട്ടില് നടത്തിവന്ന റെയ്ഡ് അവസാനിച്ചു. വിജിലന്സിനെ ഉപയോഗിച്ചും റെയ്ഡ് നടത്തിയും പിണറായി വിജയന് പകപോക്കുകയാണെന്നും വീട്ടില് നിന്ന് കണ്ടെടുത്ത പണത്തിന് രേഖയുണ്ടെന്നും കെ.എം ഷാജി പ്രതികരിച്ചു.
മൂന്നു ദിവസം അവധിയായതിനാല് പണം ബാങ്കില് അടക്കാനായില്ല. സ്ഥാനാര്ഥിയായതിനാല് പണം കൈവശമുണ്ടാവുമെന്ന് ഉറപ്പിച്ച് എത്തിയാണ് വിജിലന്സുകാര് പണം കൈവശപ്പെടുത്തിയത്. ഇതു തനിക്ക് തിരിച്ചുതരേണ്ടി വരുമെന്ന് ഉറപ്പാണ്.
എല്ലാ രേഖയുമുള്ള പണമായതിനാലാണ് വീട്ടില് സൂക്ഷിച്ചത്. ഇതിന്റെ രേഖ ഏത് അന്വേഷണ ഏജന്സിക്ക് മുമ്ബിലും ഹാജരാക്കാന് ഒരുക്കമാണ്. അനധികൃതമായി ഒരു സ്വത്തും തന്റെ പേരിലില്ലെന്ന് അദ്ദേഹം വ്യക്തമാക്കി.