കൊച്ചി: സംസ്ഥാനത്ത് ഒരോ ദിവസവും കൊവിഡ് രോഗികളുടെ എണ്ണം വര്‍ധിച്ചിവരികയാണ്. എറണാകുളം ജില്ലയില് രോഗ വ്യാപനത്തിന്റെ തോത് കൂടി വരുന്നതോടെ മുന്നറിയിപ്പില്ലാതെ തന്നെ ട്രിപ്പിള്‍ ലോക്ഡൗണ്‍ പ്രഖ്യാപിച്ചേക്കുമെന്ന് മന്ത്രി വിഎസ് സുനില്‍കുമാര്‍ കഴിഞ്ഞ ദിവസം സൂചിപ്പിച്ചിരുന്നു. ജില്ലയിലെ സ്ഥിതി അത്യന്തം രൂക്ഷമാകുന്നതായാണ് വിലയിരുത്തല്‍.
/sathyam/media/post_attachments/Ps3otgWCs7x2D5kK8uNj.jpg "publive-image")
ലോക്ക്ഡൗണ്‍ പ്രഖ്യാപിക്കുന്നില്ലെങ്കിലും എറണാകുളത്ത് നിശബ്ദ വ്യാപനത്തിന്റെ സാധ്യതകള്‍ ശക്തമാണെന്ന് വിലയിരുത്തല്‍. എറണാകുളത്ത് ഇത് വരെ സമ്പര്‍ക്കത്തിലൂടെ 79 പേര്‍ക്ക് രോഗം പകര്‍ന്നതില്‍ 54 കേസുകളും കഴിഞ്ഞ ആഴ്ച റിപ്പോര്‍ട്ട് ചെയ്തതാണ്. ജില്ലയിലെ സ്ഥിതിയില്‍ മുഖ്യമന്ത്രിയും ആശങ്ക പ്രകടിപ്പിച്ചിരുന്നു.
ഈ സാഹചര്യത്തില്‍ കണ്ടെയ്ന്‍മെന്റ് സോണുകളില്‍ ട്രിപ്പില്‍ ലോക്ക്ഡൗണിന് തുല്യമായ കര്‍ശന നടപടികള്‍ സ്വീകരിക്കുകയാണ് ജില്ലാ ഭരണകൂടം. സമ്പര്‍ക്കം വഴി ജൂണില്‍ 13 പേര്‍ക്കാണ് എറണാകുളത്ത് രോഗം പകര്‍ന്നത്. എന്നാല്‍ ജൂലൈയില്‍ 9 ദിവസം കൊണ്ട് സമ്പര്‍ക്ക രോഗികളുടെ എണ്ണം 54ല്‍ എത്തി.
കൊച്ചി ബ്രോഡ് വേയില്‍ ചായക്കട നടത്തുന്ന വ്യക്തിക്കാണ് വ്യാഴാഴ്ച രോഗം സ്ഥിരീകരിച്ചത്. കോവിഡ് സ്ഥിരീകരിച്ച വ്യക്തികളില്‍ നിന്ന് ആലുവയിലും, എടത്തലയിലും തൃക്കാക്കരയിലും വ്യാഴാഴ്ച സമ്പര്‍ക്കത്തിലൂടെ രോഗം റിപ്പോര്‍ട്ട് ചെയ്തിട്ടുണ്ട്.
Follow Us/sathyam/media/agency_attachments/5VspLzgrB7PML1PH6Ix6.png)
