കൊച്ചി: റോയല് കരീബീയന് ആഡംബര വിനോദ കപ്പലായ സെലിബ്രറ്റി കോണ്സ്റ്റിലേഷന് ഇന്ന് കൊച്ചിയിലെത്തും. 2400 യാത്രക്കാരും 990 ജീവനക്കാരുമാണുള്ളത്. 965 അടി നീളവും 90940 ടണ് ഭാരവുമുള്ള കപ്പലില് 12 നിലകളിലായി 1065 മുറികളാണുള്ളത്.
രാവിലെ ആറിന് എറണാകുളം വാര്ഫില് നങ്കൂരമിടുന്ന കപ്പലിലെ യാത്രക്കാര് കൊച്ചി, ആലപ്പുഴ ടൂറിസം കേന്ദ്രങ്ങള് സന്ദര്ശിക്കും. ഇതിനായി 30 ബസുകളും 50 ഓളം കാറുകളുമാണ് ഒരുക്കിയിരിക്കുന്നത്.
കൂടാതെ നാടന് കലകള് കാണാനുള്ള സൗകര്യവും കരകൗശല വസ്തു വില്പന കേന്ദ്രങ്ങളും ഒരുക്കിയിട്ടുണ്ട്. രാത്രി ഒന്പതിന് കപ്പല് കൊച്ചിയില് നിന്ന് പുറപ്പെട്ട് ഗോവ, മുംബൈ വഴി ഒമാനിലെത്തും. 17ന് സിംഗപ്പൂരില് നിന്ന് തുടങ്ങിയ യാത്രയില് ഏഴ് രാജ്യങ്ങളാണ് കപ്പല്യാത്രക്കാര് സന്ദര്ശിക്കുന്നത്.