കൊല്ലം: കോവിഡ് മാനദണ്ഡങ്ങള് പാലിച്ച് ചവറയില് ഷിബു ബേബി ജോണിന്റെ ഔദ്യോഗിക പ്രചാരണം ഇന്നാരംഭിക്കും. ആള്ക്കൂട്ടം ഒഴിവാക്കി കൊണ്ടുള്ള പ്രചാരണമാണ് ആര്.എസ്.പി.സംഘടിപ്പിക്കുന്നത്.
ഉറച്ച പാര്ട്ടി കോട്ടകളില് വരവറിയിക്കാന് ഷിബു ബേബി ജോണ് നേരിട്ടെത്തും.പാര്ട്ടി ദുര്ബല മേഖലകളില് ഇന്നല്ലെങ്കില് നാളെയെന്ന നിലപാടാണ് സ്വീകരിക്കുന്നത്. അതായത് മാസങ്ങള്ക്കകം വരുന്ന തിരഞ്ഞെടുപ്പില് ഈ മേഖലയിലും സാന്നിധ്യം ഉണ്ടാകും.
ബേബി ജോണിന്റെ തൊഴിലാളി പ്രസ്ഥാന ചരിത്രമാണ് മത്സ്യ തൊഴിലാളിക്ക് മുമ്ബില് ആര് എസ്.പി.വയ്ക്കുന്നത്.എല്.ഡി.എഫ് സ്ഥാനാര്ഥിയെ കണ്ടെത്താനുള്ള ചര്ച്ചകള് ഇന്നും തുടരും. സി.പി.എം.ശക്തനായ സ്ഥാനാര്ഥിയെ ചവറയില് തേടുകയാണ്.നിരവധി പേരുകള് ഉണ്ടെങ്കിലും അന്തിമ പട്ടികയായിട്ടില്ല.