കോഴിക്കോട്: കൂടത്തായി കൊലപാതക പരമ്പരയിലെ മുഖ്യപ്രതി ജോളിയുടെ രണ്ട് സഹോദരന്മാരുടെ രഹസ്യമൊഴി രേഖപ്പെടുത്തി. കോഴിക്കോട് ചീഫ് ജുഡീഷല് മജിസ്ട്രേറ്റ് കോടതിയിലാണ് മൊഴി രേഖപ്പെടുത്തിയത്.
കോടഞ്ചേരി പള്ളി സെമിത്തേരിയിലെ കല്ലറകള് തുറന്ന് പരിശോധിക്കുന്നതിന് മുന്പ് ജോളി സഹോദരന്മാരോട് കുറ്റസമ്മതം നടത്തിയിരുന്നു. ഈ മൊഴിയുടെ അടിസ്ഥാനത്തിലാണ് പോലീസ് ജോളിയുടെ സഹോദരന്മാരായ ജോസ്, ബാബു എന്നിവരുടെ രഹസ്യമൊഴി രേഖപ്പെടുത്തിയത്.ജോളിയുടെ മറ്റൊരു സഹോദരന്റേയും സഹോദരി ഭര്ത്താവിന്റേയും രഹസ്യമൊഴികള് വെള്ളിയാഴ്ച രേഖപ്പെടുത്തും.