കോട്ടയം: കോട്ടയം ജില്ലയുടെ വിവിധ മേഖലകളില് ചൊവ്വാഴ്ച രാത്രിയും ബുധനാഴ്ച പുലര്ച്ചെയും ശക്തമായ മഴ . ഇതേത്തുടര്ന്ന്, പാലാ- ഈരാറ്റുപേട്ട റോഡില് വീണ്ടും വെള്ളം കയറി ഗതാഗതം ഭാഗികമായി തടസപ്പെട്ടു.
കഴിഞ്ഞ ദിവസം ഇവിടെ വെള്ളം കയറി ഗതാഗതം പൂര്ണമായി തടസപ്പെട്ടിരുന്നു. എന്നാല് മഴയ്ക്ക് നേരിയ ശമനമായതോടെ വെള്ളമിറങ്ങുകയും ചെയ്തിരുന്നു. മീനിച്ചിലാറ്റില് നേരിയതോതില് ജലനിരപ്പ് ഉയര്ന്നിട്ടുണ്ട്. ജില്ലയുടെ കിഴക്കന് മേഖലകളിലും രാത്രി ശക്തമായ മഴയാണ് പെയ്തത്. എസി റോഡിലെ ഗതാഗതം ഇന്നും തടസപ്പെടും.