കൊച്ചി: ഭക്ഷണം തന്നില്ലെന്ന് പരാതിപ്പെട്ട അതിഥി തൊഴിലാളിയെ മര്ദിച്ച കേസില് തൊഴിലുടമ അറസ്റ്റില്. ഇടപ്പള്ളി ബ്രൈറ്റ് സെക്യൂരിറ്റീസ് ഉടമ ബിജുവാണ് അറസ്റ്റിലായത്.
യുപി സ്വദേശി കൗശലേന്ദ്ര പാണ്ഡെയുടെ പരാതിയിലാണ് അറസ്റ്റ്. ലോക്ഡൗണ് വന്നതിനെ തുടര്ന്ന് ജോലി ഇല്ലാതായതോടെ വരുമാനം നഷ്ടപ്പെട്ടതോടെ ഇയാള് കൂലിയും ഭക്ഷണവും വെള്ളവും നല്കണമെന്നാവശ്യപ്പെട്ട് തൊഴിലുടമയെ സമീപിച്ചെങ്കിലും നിരസിച്ചു. ഇതേതുടര്ന്ന് പാണ്ഡെ ലേബര് ഓഫീസില് പരാതിപ്പെട്ടു.
തുടര്ന്ന് എറണാകുളം രണ്ടാം സര്ക്കിള് അസിസ്റ്റന്റ് ലേബര് ഓഫിസര് ഇടപെട്ട് പാണ്ഡെയ്ക്കു ഭക്ഷണവും ശമ്പളവും നല്കുവാന് ബിജുവിനോടു നിര്ദേശിച്ചു. ഇതോടെ പരാതിപ്പെട്ടത് ചോദ്യം ചെയ്ത് തന്നെ ബിജു മര്ദിച്ചെന്നാണു പാണ്ഡെ പോലീസിനു നല്കിയ മൊഴിയില് പറയുന്നത്.