കോഴിക്കോട്: കോഴിക്കോട്ട് ആംബുലന്സ് ഡ്രൈവറെ മര്ദിച്ച ടൂറിസ്റ്റ് ബസ് ജീവനക്കാര് അറസ്റ്റില്. കൊടുവള്ളി കിഴക്കോത്ത് ആവിലോറ വെള്ളത്തിങ്കല് റിതേഷ്, ഡ്രൈവര് പെരുവയല് മുതലക്കുണ്ട്നിലം മുഹമ്മദ് റാഫി എന്നിവരെയാണ് താമരശേരി പോലീസ് അറസ്റ്റ് ചെയ്തത്.
ടൂറിസ്റ്റ് ബസിനെ മറികടക്കാന് ശ്രമിച്ച ആംബുലന്സ് ഡ്രൈവറെ ടൂറിസ്റ്റ് ബസ് ജീവനക്കാര് അതിക്രൂരമായി മര്ദിച്ചിരുന്നു. കോഴിക്കോട് മെഡിക്കല് കോളേജ് സഹായി ആംബുലന്സ് ഡ്രൈവര് സിറാജിനെയാണ് താമരശേരിക്കു സമീപം ഈങ്ങാപ്പുഴയില്വച്ചു മര്ദിച്ചത്. നാട്ടുകാര് ബസ് തടഞ്ഞു വച്ചു പൊലീസില് ഏല്പ്പിക്കുകയായിരുന്നു.
അക്രമത്തില് പരിക്കേറ്റ ആംബുലന്സ് ഡ്രൈവറെ മെഡിക്കല് കോളേജില് പ്രവേശിപ്പിച്ചിരിക്കുകയാണ്. മായനാട് സ്വദേശിയാണ് സിറാജ്. സൈഡ് കൊടുക്കാതിരുന്നതു ചോദ്യം ചെയ്തപ്പോള് ബസിന്റെ ഡ്രൈവറും ക്ലീനറും ചേര്ന്ന് ആംബുലന്സ് ഡ്രൈവറെ വളരെ ക്രൂരമായി മര്ദിച്ചു പരുക്കേല്പ്പിക്കുകയായിരുന്നു.
വയനാട്ടില് ഒരു മൃതദേഹമിറക്കി കോഴിക്കോട്ടേക്കു പോകുകയായിരുന്നു ആംബുലന്സ്. ബംഗളൂരുവില്നിന്നു കോഴിക്കോട്ടേക്ക് വരികയായിരുന്ന ടൂറിസ്റ്റ് ബസ്.ക്ലീനര്ക്കെതിരേ ഡ്രൈവറെ ആക്രമിച്ചു പരിക്കേല്പ്പിച്ചതിനും ബസ് ഡ്രൈവര്ക്കെതിരേ മാര്ഗതടസം സൃഷ്ടിച്ച് വാഹനമോടിച്ചതിനുമാണ് കേസ്.