പാലക്കാട്ടു നിന്ന് കോഴികളെ കയറ്റി വന്ന ലോറി കത്തിനശിച്ചു ; കോഴികളെ രക്ഷിച്ചു

നാദാപുരം : പാലക്കാടു നിന്ന് കോഴികളെ കയറ്റി വന്ന ലോറിക്ക് തീപിടിച്ച് കനത്ത നഷ്ടം. ഇന്നലെ രാവിലെയായിരുന്നു സംഭവം. നാട്ടുകാർ ലോറിയിൽ നിന്ന് എടുത്തു മാറ്റിയാണ് ഒട്ടേറെ കോഴികളെ രക്ഷിച്ചത്. ഒരു ലക്ഷം രൂപ നഷ്ടം കണക്കാക്കുന്നു. ലോറിയുടെ മുൻഭാഗം കത്തി നശിച്ചു.

നാദാപുരത്ത് നിന്ന് 2 യൂണിറ്റ് ഫയർഫോഴ്സ് എത്തിയാണ് തീ അണച്ചത്. ലീഡിങ് ഫയർമാൻ കെ.സി.സുജേഷ് കുമാർ. ഷൈനേഷ് മൊകേരി, ഒ.അനീഷ്, ടി.ഷിജേഷ്., ടി.ബവീഷ്, ഷമീൽ, രഞ്ജിത്ത്, ഷാഗിൽ, ബിജു തുടങ്ങിയവർ നേതൃത്വം നൽകി.