തിരുവനന്തപുരം : കെപിസിസി തുടർ ഭാരവാഹി പട്ടികയ്ക്ക് എ ഐ സി സി അംഗീകാരം നൽകി. പ്രസിഡന്റ് ഉൾപ്പടെ നിലവിലുള്ള 50 ഭാരവാഹികൾക്ക് പുറമേയാണ് പുതിയ പട്ടിക. 96 സെക്രട്ടറിമാർ ഉൾപ്പെടുന്ന ജംബോ പട്ടികയാണ് പ്രസിദ്ധീകരിച്ചിരിക്കുന്നത്. 125 അംഗ നിര്വ്വാഹക സമിതിയും പട്ടികയില് ഉള്പ്പെട്ടിരിക്കുന്നു.
കെപിസിസിക്ക് പുതിയ പത്ത് ജനറൽ സെക്രട്ടറിമാരെ തീരുമാനിച്ചിട്ടുണ്ട്. വിജെ പൗലോസ്, ഇ മുഹമ്മദ് കുഞ്ഞി, വിഎ നാരായണന്, പികെ ജയലക്ഷ്മി, അഡ്വ.ബി ബാബു പ്രസാദ്, ദീപ്തി മേരി വര്ഗീസ്, വിഎസ് ജോയ്, സോണി സെബാസ്റ്റിയന്, വിജയന് തോമസ്, മാര്ട്ടിന് ജോര്ജ്ജ് എന്നിവരാണ് പുതിയ ജനറല് സെക്രട്ടറിമാര്.
വീടാക്രമണ സംഭവത്തെത്തുടർന്ന് വിവാദത്തിലായ ലീനയെ സെക്രട്ടറിമാരുടെ പട്ടികയിൽ നിന്നൊഴിവാക്കി. ലീനയെ നേരത്തെ പട്ടികയിൽ ഉൾപ്പെടുത്തിയിരുന്നു. കെ വി തോമസിന് ഭാരവാഹി പട്ടികയിൽ സ്ഥാനം നൽകിയിട്ടില്ല.