കോട്ടയത്ത് കെഎസ്ആര്‍ടിസി ബസ് നിയന്ത്രണംവിട്ട് മറിഞ്ഞ് 15 അയ്യപ്പഭക്തര്‍ക്ക് പരിക്ക്

കോട്ടയം: കോട്ടയത്ത് കെഎസ്ആര്‍ടിസി ബസ് നിയന്ത്രണംവിട്ട് മറിഞ്ഞ് 15 അയ്യപ്പഭക്തര്‍ക്ക് പരിക്ക്. മണര്‍കാട് എരുമപ്പെട്ടി വളവിലാണ് അപകടം നടന്നത്. ഇന്ന് പുലര്‍ച്ചെ രണ്ട് മണിയോടെയായിരുന്നു അപകടം. പമ്പയില്‍ നിന്ന് യാത്രതിരിച്ച ബസാണ് അപകടത്തില്‍പ്പെട്ടത്.

പരിക്കേറ്റവരെ കോട്ടയം മെഡിക്കല്‍ കോളെജില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്നാണ് വിവരം.