അനുഭവിക്കുന്നത് പഴയ ചെയ്തികൾക്കുള്ള ഫലം ; വിതച്ചതേ കൊയ്യൂ ’- ഫഡ്നാവിസിനോട് കുമാരസ്വാമി

ഡല്‍ഹി : വിതച്ചതേ കൊയ്യൂ എന്ന ചൊല്ല് അന്വർഥമാക്കുന്നതാണ് മഹാരാഷ്ട്രയിൽ ദേവേന്ദ്ര ഫഡ്നാവിസിന്റെ രാജിയെന്നു കർണാടക മുൻ മുഖ്യമന്ത്രി കുമാരസ്വാമി. തന്റെ നേതൃത്വത്തിലുള്ള ദൾ-കോൺഗ്രസ് സർക്കാരിനെ അട്ടിമറിക്കാൻ വേണ്ടതെല്ലാം ഫഡ്നാവിസാണ് ചെയ്തത്. വിമത എംഎൽഎമാർക്ക് ആതിഥ്യമരുളിയ അദ്ദേഹം, അന്നത്തെ ചെയ്തികൾക്കുള്ള ഫലമാണ് ഇപ്പോഴനുഭവിക്കുന്നത്.

ഫഡ്നാവിസിന്റെ രാജിയിൽ ഏറ്റവും സന്തോഷിക്കേണ്ടതായിരുന്നെന്നും എന്നാൽ ദുഃഖമാണ് തോന്നുന്നതെന്നും കുമാരസ്വാമി പറഞ്ഞു.

രാജിവച്ച 17 സഖ്യകക്ഷി എംഎൽഎമാരെ‍ ബിജെപിയുടെ നേതൃത്വത്തിൽ മുംബൈയിലെ റിസോർട്ടിൽ പാർപ്പിച്ചതിനെ തുടർന്നാണ് കുമാരസ്വാമി സർക്കാർ വീണത്.