കോഴിക്കോട്: തോമസ് ചാണ്ടി അന്തരിച്ചതിനെ തുടര്ന്ന് ഉപതെരഞ്ഞെടുപ്പ് നടക്കാന് പോകുന്ന കുട്ടനാട് മണ്ഡലത്തില് എല്ഡിഎഫിന്റെ സ്ഥാനാര്ഥിയാരെന്ന് തീരുമാനിച്ചിട്ടില്ലെന്ന് മന്ത്രി എ.കെ.ശശീന്ദ്രന്. സ്ഥാനാര്ഥിയായി ഇപ്പോള് ഉയര്ന്നു കേള്ക്കുന്ന പേരുകളൊന്നും യാഥാര്ഥ്യമില്ലെന്നും അദ്ദേഹം പറഞ്ഞു.
രണ്ടാഴ്ചയ്ക്ക് ശേഷമേ സ്ഥാനാര്ഥി ചര്ച്ചകള് പാര്ട്ടി തുടങ്ങൂ. ഉറച്ച സീറ്റായതിനാല് മത്സരിക്കാന് കൂടുതല് പേര് താത്പര്യം പ്രകടിപ്പിച്ച രംഗത്തുവരുന്നത് സ്വാഭാവികമാണെന്നും അദ്ദേഹം പറഞ്ഞു.
എന്സിപിയുടെ കുട്ടനാട് സീറ്റില് തോമസ് ചാണ്ടിയുടെ സഹോദരന് തോമസ് കെ. തോമസ് മത്സരിക്കുമെന്ന് വാര്ത്തകള് തള്ളിയാണ് പാര്ട്ടി മന്ത്രിയുടെ പ്രതികരണമെന്നതും ശ്രദ്ധേയമാണ്.