കുവൈറ്റ് : കുവൈറ്റ് അന്താരാഷ്ട്ര വിമാനത്താവളത്തില് കൂടുതല് ജീവനക്കാരെ നിയമിക്കാനൊരുങ്ങുന്നു . അവധിക്കാല തിരക്ക് പരിഗണിച്ച് 800 ഓളം പേരെ അധികം നിയമിക്കാനാണ് നീക്കം.
തിരക്ക് ബാധിക്കാതെ സുഗമമായി പ്രവർത്തിക്കാൻ സിവിൽ വ്യോമയാന വകുപ്പ്, ആഭ്യന്തര മന്ത്രാലയം, കസ്റ്റംസ് എന്നിവ ചേർന്ന് പദ്ധതി തയാറാക്കി. വേനൽക്കാല അവധി, ഹജ്ജ്, ചെറിയ പെരുന്നാൽ, ബലി പെരുന്നാൾ എന്നിവ മുൻകൂട്ടിക്കണ്ടാണ് ഒരുക്കം നടത്തിയത്.
റമദാൻ കഴിഞ്ഞാൽ ജോലിക്ക് കയറുന്ന അധിക ജീവനക്കാർ ഹജ്ജ് അവസാനംവരെ ഡ്യൂട്ടിയിലുണ്ടാവും. ഫെബ്രുവരിയിലെ ദേശീയ ദിനാവധിക്കാലത്തിന് സമാനമായി വേനലവധിയിലും തിരക്ക് കൂടുമെന്നാണ് കണക്കുകൂട്ടുന്നത്.