കുവൈറ്റ് : ബെയ്റൂട്ടിലേക്കുള്ള വിമാന സര്വ്വീസ് കുവൈറ്റ് പുനരാരംഭിക്കുന്നു . താല്ക്കാലികമായി നിര്ത്തിവെച്ച സര്വ്വീസാണ് പുനരാരംഭിക്കുന്നത്. സിറിയൻ പ്രശ്നം നിലനിൽക്കുന്ന സാഹചര്യത്തിൽ സുരക്ഷ മുൻനിർത്തിയാണ് വ്യാഴാഴ്ച മുതൽ കുവൈത്ത് എയർവേസ് ബെയ്റൂട്ടിലേക്കുള്ള സർവിസ് നിർത്തിയത്. ഞായറാഴ്ച മുതൽ ആദ്യത്തെ ഷെഡ്യൂളിൽ സർവിസ് നടത്തും.
അടുത്ത ദിവസങ്ങളിൽ സിറിയയിൽ വ്യോമാക്രമണത്തിന് സാധ്യതയുണ്ടെന്നും ഇൗ സാഹചര്യത്തിൽ ലബനാൻ ആകാശം വഴിയുള്ള വ്യോമഗതാഗതം സുരക്ഷിതമായിരിക്കില്ലെന്നുമുള്ള മുന്നറിയിപ്പിന്റെ അടിസ്ഥാനത്തിലാണ് നേരത്തേ താൽക്കാലികമായി നിർത്തിയത്.