കുവൈറ്റ് : പുല്ക്കൂട്ടില് പിറന്നവന് രാജാവായതിന്റെ ആഘോഷമായ ഓശാന ഞായര് ആഘോഷങ്ങള് കുവൈറ്റില് ശനിയാഴ്ച വൈകുന്നേരം കൊണ്ടാടി. പ്രവാസി സമൂഹത്തിന്റെ സൗകര്യം കണക്കിലെടുത്താണ് ഓശാന തിരുക്കര്മ്മങ്ങള് നേരത്തെയാക്കിയത്.
സാല്മിയ സെന്റ് തെരേസാസ് ദേവാലയത്തില് നടന്ന തിരുക്കര്മ്മങ്ങള്ക്ക് ഫാ. ജോണ്സണ് നെടുംപുറത്ത് മുഖ്യകാര്മ്മികനായി. ഫാ . കെ സി സെബാസ്റ്റ്യന്, ഫാ. യു പി സെബാസ്റ്റ്യന് എന്നിവര് സഹകാര്മ്മികരായി.
മുകളിലെ 2 ചിത്രങ്ങള് - സിറ്റി കത്തീഡ്രല് ദേവാലയത്തിലെ ചടങ്ങുകള്
സമൂഹത്തിനുവേണ്ടിയും കുടുംബത്തിനുവേണ്ടിയും ബാലിയാകാനുള്ള വെല്ലുവിളി ഏറ്റെടുക്കുക എന്നതാണ് വിശുദ്ധവാരത്തിലെ ശരിയായ ആഹ്വാനമെന്ന് ഓശാനാ ഞായര് സന്ദേശം നല്കിയ ഫാ. ജോസ് വേലംചേരി പറഞ്ഞു. മക്കള്ക്ക് ദൈവത്തെ നല്കാന് മാതാപിതാക്കള്ക്ക് കഴിയണമെന്ന് അദ്ദേഹം പറഞ്ഞു.
തുടര്ന്ന് കൊഴിക്കൊട്ട നേര്ച്ചയോടെയാണ് പരിപാടികള് സമാപിച്ചത്. കുരുത്തോല പെരുന്നാളിനായി കേരളത്തില് നിന്നും പ്രത്യേകമായി എത്തിച്ച കുരുത്തോലകളാണ് കുവൈറ്റിലെ വിവിധ പള്ളികളില് വിതരണം ചെയ്തത്.
ഓശാനാ തിരുന്നാള് ആഘോഷങ്ങള് നടന്ന സിറ്റി കത്തീഡ്രല് ദേവാലയത്തില് കനത്ത സുരക്ഷാ സംവിധാനങ്ങളോടെയായിരുന്നു ചടങ്ങുകള് നടന്നത്. ഇവിടെ ഫാ . സെബാസ്റ്റ്യന് പുരയിടത്തില് മുഖ്യ കാര്മ്മികനായി. കുവൈറ്റില് മിക്ക ദേവാലയങ്ങളിലും വൈകിട്ടായിരുന്നു ഓശാന തിരുക്കര്മ്മങ്ങള് നടന്നത് .