കുവൈത്ത്: രാജ്യത്ത് അടുത്ത വര്ഷം ഏപ്രില് മുതല് ഓണ്ലൈന് വഴി വിദേശികളുടെ ഇഖാമ പുതുക്കുന്ന പദ്ധതി പ്രാബല്യത്തിലാകും. മാന്പവര് അതോറിറ്റിയിലെ തൊഴില് വിഭാഗം മേധാവി ഹസന് അല് ഖാദര് പ്രാദേശിക പത്രവുമായുള്ള അഭിമുഖത്തില് അറിയിച്ചതാണിത്. സമയം ലാഭിക്കുന്നതിനും ജീവനക്കാരുടെ തൊഴില്ഭാരം കുറക്കുന്നതിനും പ്രയോജനപ്പെടുന്നതാകും പുതിയ സംവിധാനമെന്നും അദ്ദേഹം പറഞ്ഞു. വിദേശികളുടെ ഇഖാമയെ മറ്റ് മന്ത്രാലയങ്ങളുമായി ഓണ്ലൈന് വഴി ബന്ധിപ്പിക്കുന്ന നടപടികള് ഏകദേശം പൂര്ത്തിയായിട്ടുണ്ട്.