കുവൈറ്റ് : കുവൈറ്റിലെ ജാബിർ ആശുപത്രിയിൽ ആൻജിയോ പ്ലാസ്റ്റി ചികിത്സക്ക് തുടക്കം. ആരോഗ്യ മന്ത്രാലയം അണ്ടർ സെക്രട്ടറി ഡോ. മുസ്തഫ റിദയുടെ നേതൃത്വത്തില് ആദ്യ ആൻജിയോ പ്ലാസ്റ്റി ചികിത്സ പൂര്ത്തിയാക്കിയതായി ആശുപത്രി അധികൃതര് അറിയിച്ചു.
പശ്ചിമേഷ്യയിലെ ഏറ്റവും വലിയ ആതുരാലയമായി ജനൂബ് സുർറയിൽ ഉദ്ഘാടനം കഴിഞ്ഞ ജാബിർ അൽ അഹ്മദ് ആശുപത്രിയിൽ ഘട്ടംഘട്ടമായി വിവിധ ചികിത്സാ വിഭാഗങ്ങൾ സജ്ജീകരിച്ചുവരുകയാണ്. ഈ വര്ഷാവസാനം 55 ശതമാനം വരെ പൂർത്തിയാക്കും.
ജനറൽ സർജറി, പീഡിയാട്രിക്സ്, ഇ.എൻ.ടി, ഞരമ്പ്, പ്രമേഹം തുടങ്ങിയ ചികിത്സാ വിഭാഗങ്ങൾ ഇതിനകം പ്രവർത്തിച്ചുതുടങ്ങി. മൂന്നാം ഘട്ടത്തിലാണ് കാഷ്വാലിറ്റിയുടെയും എമർജൻസി വിഭാകം പ്രവർത്തനം ആരംഭിക്കുക.