കുവൈറ്റില്‍ ഈ ആഴ്ച്ചയോടെ താപനില കുറയുമെന്ന് മെറ്റീരിയോളജിസ്റ്റ്‌

കുവൈറ്റ്: കുവൈറ്റില്‍ ഈ ആഴ്ച്ചയോടെ താപനില കുറയുമെന്ന് മെറ്റീരിയോളജിസ്റ്റ്‌. രാജ്യത്ത് ഈ ആഴ്ച്ച അവസാനത്തോടെ താപനില 40 ഡിഗ്രി സെന്റിഗ്രേഡില്‍ താഴെയാകുമെന്നാണ് മെട്രോളജിസ്റ്റായ മുഹമ്മദ് കരം പ്രവചിക്കുന്നത്. ഒക്ടോബറില്‍ പരമാവധി താപനില 37നും 39 ഡിഗ്രി സെന്റിഗ്രേഡിനും ഇടയിലാകുമെന്നും കരം പ്രവചിക്കുന്നു.

മഴമേഘങ്ങള്‍ ഉണ്ടാകുമെങ്കിലും മഴ പെയ്യാനുള്ള സാധ്യത ഇല്ലെന്നും അദ്ദേഹം പറയുന്നു.

കുവൈറ്റില്‍ ഒക്ടോബര്‍ മാസത്തില്‍ മഴ ആരംഭിക്കാറുണ്ടെന്നും എന്നാല്‍ കാലാവസ്ഥ വ്യതിയാനം മൂലം അടുത്ത കാലത്തായി നവംബര്‍ മാസത്തോടെയാണ് മഴക്കാലം ആരംഭിക്കുന്നതെന്നും അദ്ദേഹം പറയുന്നു. ഈ വര്‍ഷം രാജ്യത്ത് ശരാശരി 130 മുതല്‍ 150 മില്ലിമീറ്റര്‍ മഴയാണ് പ്രതീക്ഷിക്കുന്നത്.