കുവൈറ്റ് : കുവൈറ്റിലെ റിഗ്ഗയില് നിര്മ്മിച്ച ഇഖാമ കാര്യാലയം ഇന്നുമുതല് പ്രവര്ത്തനം ആരംഭിക്കുമെന്ന് ആഭ്യന്തരമന്ത്രാലയം. ഫര്വാനിയ ഗവര്ണറേറ്റിലെ ഇഖാമ കാര്യാലയമാണ് ഇന്നുമുതല് റിഗ്ഗയില് പ്രവര്ത്തനം ആരംഭിക്കുന്നത്.
റിഗ്ഗഇയിലെ മാൻപവർ അതോറിറ്റി കെട്ടിടത്തിന് സമീപമാണ് പുതിയ പാസ്പോർട്ട്-ഇഖാമ കാര്യാലയം പ്രവർത്തിക്കുക. ഇതിന് മുമ്പ് റെസിഡൻഷ്യൽ നടപടികൾ പൂർത്തിയാക്കുന്നതിന് ദജീജിലെ ഇഖാമ കാര്യാലയത്തെയായിരുന്നു ഫർവാനിയ ഗവർണറേറ്റിലുള്ളവർ സമീപിക്കേണ്ടിയിരുന്നത്.
വകുപ്പിൽ പരിഷ്കരണം ഏർപ്പെടുത്തുന്നതിൻറ ഭാഗമായാണ് ആധുനിക സംവിധാനങ്ങൾ ഒരുക്കി പുതിയ കെട്ടിടത്തിലേക്ക് മാറ്റുന്നതെന്ന് അധികൃതർ പറഞ്ഞു