കുവൈറ്റ് : കുവൈറ്റിലെ വ്യവസായ മേഖലകളില് നടന്ന സുരക്ഷാ പരിശോധനയില് 232 പേര് പിടിയില് . ബനീദ് അൽഗാർ, ഷര്ഖ് , അഹ്മദി വ്യവസായ മേഖല എന്നിവിടങ്ങളിലാണ് നിയമലംഘനം നടത്തിയവരെ പിടികൂടിയത്.
ലൈസൻസില്ലാതെ വാഹനമോടിച്ച 75 പേർ, താമസ നിയമം ലംഘിച്ച 12 പേർ, ഒമ്പത് ക്രിമിനൽ കേസ് പ്രതികൾ, 11 സിവിൽ കേസ് പ്രതികൾ, 21 ഒളിച്ചോട്ട കേസുകളിലെ പ്രതികൾ, തിരിച്ചറിയൽ രേഖകളൊന്നും കൈവശമില്ലാതിരുന്ന 99 പേർ, രണ്ട് മദ്യക്കേസ്, രാജ്യത്ത് അനധികൃതമായി പ്രവേശിച്ച ഒരാൾ എന്നിങ്ങനെയാണ് അറസ്റ്റ് ചെയ്തത്.
സമാന്തരമായി നടത്തിയ വാഹന പരിശോധനയിൽ നാല് വാഹനങ്ങൾ പിടിച്ചെടുത്തു. 900 പേരെ പരിശോധിച്ചതിൽനിന്നാണ് 232 പേരെ അറസ്റ്റ് ചെയ്തത്.