കൊച്ചി: പ്രായം പരിഗണിച്ച് ഇനിയും മത്സരിക്കേണ്ടതുണ്ടോ എന്ന് കെ. വി തോമസ് ആലോചിക്കണമെന്നും കെ. വി തോമസിനല്ല പകരം തെരഞ്ഞെടുപ്പിനാണ് പ്രാധാന്യം നല്കേണ്ടതെന്നും മുതിര്ന്ന സിപിഎം നേതാവ് എം എം ലോറന്സ്. ഇക്കാര്യത്തില് ചിന്തിച്ച് തീരുമാനമെടുക്കണം. യുവാക്കള്ക്ക് പ്രധാന്യം നല്കുന്ന തിരഞ്ഞെടുപ്പാണ് നടക്കേണ്ടത്.
കെ.വി തോമസിനെ സ്വാഗതം ചെയ്തു കൊണ്ട് സിപിഎം ജില്ലാ സെക്രട്ടറി സി. എന് മോഹനന് രംഗത്തെതിയതിനു പിന്നാലെയാണ് യുവാക്കള്ക്ക് പ്രാധാന്യം നല്കണമെന്ന് എം എം ലോറന്സ് പറയുന്നത്.
കെ. വി തോമസിനേക്കാള് ജയസാധ്യതയുള്ള യുവാക്കളുണ്ടെങ്കില് എറണാകുളത്ത് അവര്ക്ക് പ്രാധാന്യം കൊടുക്കുകയാണ് വേണ്ടത്.
തോമസ് എല്ഡിഎഫിലേക്ക് വന്നാല് അത് പാര്ട്ടിക്ക് ഗുണകരമാകുമോ ഇല്ലയോ എന്ന് ഇപ്പോള് പ്രതികരിക്കുന്നില്ലെന്നും എംഎം ലോറന്സ് പറഞ്ഞു.