പാലായിൽ വീട്ടമ്മ ഇടിമിന്നലേറ്റ് മരിച്ചു

ഇടിമിന്നലേറ്റ് നെച്ചിപ്പുഴൂർ വള്ളേം കുഴിയിൽ പരേതനായ പ്രഭാകരൻ നായരുടെ ഭാര്യ സാവിത്രിയമ്മ (70) മരണമടഞ്ഞു.ഇന്ന് വൈകിട്ട് 4.30 ഓടെ ആയിരുന്നൂ സംഭവം. ഷോക്കേറ്റു വീണ സാവിത്രിയമ്മയെ ഉടൻ പാലാ ജനറൽ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഈ സമയം മരുമകൾ ഗിരിജ മാത്രമേ വീട്ടിലുണ്ടായിരുന്നുള്ളൂ. വീട്ടിലെ വയറിംഗ് കത്തി നശിച്ചു. വളർത്തു കോഴികളും ചത്തൊടുങ്ങി.വാസുദേവൻ, മധൂസൂദനൻ , അംബിക, സുഷമ എന്നിവരാണ് സാവിത്രിയമ്മയുടെ മക്കൾ .രാധാമണി, ഗിരിജ, നാരായണൻ എന്നിവർ മരുമക്കളും.

സംസ്ക്കാരം ബുധനാഴ്ച 2ന് വീട്ടുവളപ്പിൽ