ന്യൂഡല്ഹി: സംസ്ഥാന സര്ക്കാരിന്റെ മദ്യം വീടുകളില് എത്തിച്ചു നല്കാനുള്ള തീരുമാനത്തിനെതിരെ കേന്ദ്രം രംഗത്ത്. ഇത്തരമൊരു തീരുമാനം ദേശീയ ദുരന്തനിവാരണ നിയമത്തിന്റെ ലംഘനമാണെന്ന് വ്യക്തമാക്കി കേന്ദ്ര ആഭ്യന്തര സെക്രട്ടറി സംസ്ഥാന ചീഫ് സെക്രട്ടറിക്ക് കത്തയച്ചു.
കേരളത്തെ കൂടാതെ മേഘാലയവും മദ്യം വീടുകളില് എത്തിച്ചു കൊടുക്കാന് തീരുമാനിച്ചിരുന്നു. ഈ പശ്ചാത്തലത്തിലാണ് കേന്ദ്രം കത്തയച്ചത്.
മദ്യം ലഭിക്കാത്തതിനെ തുടര്ന്ന് ആളുകള് ആത്മഹത്യ ചെയ്ത പശ്ചാത്തലത്തിലാണ് മദ്യം വീടുകളില് എത്തിച്ചു കൊടുക്കാന് സംസ്ഥാന സര്ക്കാര് തീരുമാനിച്ചത്. മദ്യം വീട്ടിലെത്തിക്കാനോ വിതരണം ചെയ്യാനോ ഉള്ള ഇളവ് ഈ മാര്ഗനിര്ദേശങ്ങളില് ഇല്ല. ഇത് അനുവദിക്കരുതെന്ന് ആവശ്യപ്പെട്ടാണ് കേന്ദ്രം കത്തയച്ചിരിക്കുന്നത്.