കോഴിക്കോട് ഇനി യുനെസ്കോ സാഹിത്യനഗരം; ഔദ്യോഗിക പ്രഖ്യാപനം ഇന്ന്

22ന് മുഖ്യമന്ത്രി പ്രഖ്യാപനം നടത്തുമെന്നായിരുന്നു കോർപറേഷൻ്റെ പ്രതീക്ഷ. ഇന്നലെ എൻജിഒ യൂണിയൻ സംസ്ഥാന സമ്മേളനത്തിൽ ഉദ്ഘാടകനായി മുഖ്യമന്ത്രി കോഴിക്കോട്ടെത്തിയെങ്കിലും ഇന്നത്തെ സാഹിത്യനഗര പ്രഖ്യാപനത്തിന് കാത്ത് നിൽക്കാതെ മടങ്ങുകയായിരുന്നു.

ലോഗോ പ്രകാശനത്തിനൊപ്പം കോര്‍പ്പറേഷന്റെ വജ്ര ജൂബിലി സമ്മാനദാന സമര്‍പ്പണം നടത്താനും നിശ്ചയിച്ചതും മുഖ്യമന്ത്രിയെയായിരുന്നുവെന്ന് കോർപറേഷൻ പ്രതിപക്ഷ ലീഡർ ശോഭിത പറഞ്ഞു. പരിപാടിയുമായി സഹകരിക്കാൻ തീരുമാനിച്ച കോർപറേഷനിലെ പ്രതിപക്ഷം ഭരണസമിതിയുടെ വിശദീകരണത്തിനായി കാത്തിരിക്കുകയാണ്.