സ്‌കൂളിൽ നിന്നും ഉച്ചഭക്ഷണം കഴിക്കാൻ പുറത്തിറങ്ങിയ രണ്ടാം ക്ലാസ് വിദ്യാർത്ഥിക്ക് തെരുവ് നായയുടെ കടിയേറ്റു

കോഴിക്കോട്: സ്‌കൂളിൽ നിന്നും ഉച്ചഭക്ഷണം കഴിക്കാൻ പുറത്തിറങ്ങിയ രണ്ടാം ക്ലാസ് വിദ്യാര്‍ത്ഥിക്ക് തെരുവ് നായയുടെ കടിയേറ്റതായി റിപ്പോർട്ട്. 

കോഴിക്കോട് തോട്ടുമുക്കം ഗവ. യു.പി സ്‌കൂളിലെ വിദ്യാര്‍ത്ഥി ഏബല്‍ ജോണിനാണ് കടിയേറ്റത്. കഴിഞ്ഞ ദിവസം ഉച്ചക്ക് ഭക്ഷണം കഴിക്കാനായി പുറത്തിറങ്ങിയ ഏബലിനെ ഓടിയെത്തിയ തെരുവ് നായ കാലില്‍ കടിക്കുകയായിരുന്നു.  

പരിക്കേറ്റ വിദ്യാര്‍ത്ഥിയെ മഞ്ചേരി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ച് പ്രാഥമിക ചികിത്സ നല്‍കിയിട്ടുണ്ട്. മുറിവുകൾ കാര്യമായത് അല്ലാത്തതിനാൽ കുട്ടിയെ ഡിസ്ചാർജ് ചെയ്തു.