ചെന്നൈ: മൂന്നു പേരുടെ മരണത്തിനിടയാക്കിയ ഇന്ത്യന് 2 വിന്റെ ചിത്രീകരണത്തിനിടെയുണ്ടായ അപകടവുമായി ബന്ധപ്പെട്ട് നടന് കമല്ഹാസനെയും സംവിധായകന് ശങ്കറിനെയും ചോദ്യം ചെയ്യാന് തമിഴ്നാട് പോലീസ് വിളിപ്പിച്ചു.
ചോദ്യം ചെയ്യലിനു ഹാജരാകാന് ആവശ്യപ്പെട്ട് ഇരുവര്ക്കും പോലീസ് നോട്ടീസയച്ചു. നിര്മാതാക്കളായ ലൈക്ക പ്രൊഡക്ഷന്സിനെതിരെ പോലീസ് കേസ് എടുത്തിരുന്നു. സുരക്ഷ മുന്കരുതലുകളൊന്നുമെടുക്കാതെ ചിത്രീകരണം നടത്തിയതിനാണ് കേസെടുത്തിരിക്കുന്നത്.
ചെന്നൈ പൂനമല്ലിയിലെ ഇവിപി ഫിലിം സിറ്റിയില് ബുധനാഴ്ച രാത്രിയുണ്ടായ അപകടത്തില് സഹസംവിധായകന് ഉള്പ്പെടെ മൂന്നുപേരാണ് മരിച്ചത്. കൂറ്റന് ക്രെയിന് മറിഞ്ഞുവീണുണ്ടായ അപകടത്തില് ഒന്പതുപേര്ക്കു പരിക്കേറ്റു. ചിത്രത്തിന്റെ സഹസംവിധായകന് കൃഷ്ണ, കലാസംവിധാന സഹായി ചന്ദ്രന്, പ്രൊഡക്ഷന് അസിസ്റ്റന്റ് മധു എന്നിവരാണ് മരിച്ചത്.