തിരുവനന്തപുരം: ലോക്ക്ഡൗണിന് ശേഷം റെയില്വേ സര്വീസ് പുനഃരാരംഭിക്കുന്നതില് അന്തിമ തീരുമാനം ആയില്ലെന്ന് റെയില്വേ. സര്വീസുകള് പുനഃരാരംഭിക്കുന്നതിനായി സോണ് അടിസ്ഥാനത്തില് തയ്യാറെടുപ്പുകള് പുരോഗമിക്കുന്നുണ്ട്..
സാഹചര്യങ്ങള് വിലയിരുത്തി മാത്രമേ അന്തിമ തീരുമാനത്തിലെത്തൂ എന്നാണ് റെയില്വേ ബോര്ഡ് വ്യക്തമാക്കുന്നത്.ലോക്ക്ഡൗണ് ആരംഭിക്കുന്നതിന് രണ്ടുദിവസം മുന്പേ തന്നെ റെയില്വേ സര്വീസുകള് നിര്ത്തിവെച്ചിരുന്നു.
21 ദിവസത്തെ ലോക്ക് ഡൗണിന് ശേഷം ഈ മാസം 15ന് റെയില്വേ സര്വീസുകള് പുനരാരംഭിക്കുമെന്ന് വാര്ത്താ ഏജന്സിയായ പിടിഐ റിപ്പോര്ട്ട് ചെയ്തിരുന്നു. ഇതിനുവേണ്ടിയുള്ള തയ്യാറെടുപ്പുകള് ആരംഭിക്കുന്നുവെന്ന റിപ്പോര്ട്ടുകളും വന്നിരുന്നു.