കൊല്ലം: പൗരത്വ നിയമത്തിനെതിരെ എല്.ഡി.എഫ് സംഘടിപ്പിച്ച മനുഷ്യ മഹാശൃംഖലയ്ക്കിടെ യുവാവിന്റെ ആത്മഹത്യാ ശ്രമം. കൊല്ലത്ത് വച്ചാണ് യുവാവ് ആത്മഹത്യ ചെയ്യാന് ശ്രമിച്ചത്.
വന്ദേമാതരം എന്ന് വിളിച്ച് കയ്യിലെ ഞരമ്പ് മുറിച്ച യുവാവിലെ പൊലീസ് ആശുപത്രിയിലേക്ക് മാറ്റുകയായിരുന്നു. കൊല്ലം രണ്ടാം കുറ്റി സ്വദേശി അജോയ് ആണ് കൈമുറിച്ചത്.ഇയാള്ക്ക് മാനസിക അസ്വാസ്ഥ്യമുണ്ടെന്നും പൊലീസ് പറയുന്നു.
അതേസമയം എല്ഡിഎഫിന്റെ മനുഷ്യ മഹാ ശൃംഖല കളിയിക്കാവിള മുതല് കാസര്ഗോഡ് വരെ അണിചേര്ന്നു.
ഇന്ന് വൈകിട്ട് 4നു ഭരണഘടനയുടെ ആമുഖം വായിച്ച് പ്രതിജ്ഞ ചൊല്ലി തീര്ത്ത ശൃംഖലയില് കാസര്കോട്ട് സി.പി.എം പോളിറ്റ് ബ്യൂറോ അംഗം എസ്.രാമചന്ദ്രന്പിള്ള ആദ്യ കണ്ണിയായപ്പോള്, കളിയിക്കാവിളയില് പോളിറ്റ്ബ്യൂറോ അംഗം എം.എ.ബേബി അവസാന കണ്ണിയായി. മുഖ്യമന്ത്രി പിണറായി വിജയനും സി.പി.ഐ സംസ്ഥാന സെക്രട്ടറി കാനം രാജേന്ദ്രന് എന്നിവര് തിരുവനന്തപുരം പാളയത്ത് കണ്ണികളായി അണിചേര്ന്നു.