/sathyam/media/post_attachments/ooZGkECaMiQEO8lw749a.jpg "publive-image")
ചെന്നൈ: തമിഴ്നാട് സര്‍ക്കാരിന്‍റെ വിവിധ വകുപ്പുകളില്‍ ഉയര്‍ന്ന പദവികള്‍ വഹിച്ചിരുന്ന മുന്‍ ഐഎഎസ് ഓഫീസര്‍ സന്തോഷ് ബാബു, നടന്‍ കമല്‍ഹാസന്‍റെ മക്കള്‍ നീതി മയ്യം പാര്‍ട്ടിയില്‍ ചേര്‍ന്നു.
ഐടി വകുപ്പ് പ്രിന്‍സിപ്പല്‍ സെക്രട്ടറിയായിരിക്കെ ടിഎന്‍ ഫൈബര്‍നെറ്റ് കോര്‍പറേഷനിലെ അഴിമതി ആരോപണങ്ങളെത്തുടര്‍ന്ന്സ്ഥലംമാറ്റപ്പെട്ട സന്തോഷ് ബാബു കരകൗശല വികസന കോര്‍പറേഷന്‍ ചെയര്‍മാനായിരിക്കേയാണു സ്വമേധയാ വിരമിച്ചത്. 12,000 ഗ്രാമപഞ്ചായത്തുകളില്‍ ഫൈബര്‍നെറ്റ്‌വഴി ബ്രോഡ്ബാന്‍ഡ് കണക്ടിവിറ്റി നല്കുന്ന ഭാരത്നെറ്റ് പദ്ധതിയുടെ ലേല നടപടികളില്‍ അഴിമതിയുണ്ടെന്നായിരുന്നു സന്തോഷ് ബാബുവിനെതിരേ ഉയര്‍ന്ന പ്രധാന ആരോപണം. എന്നാല്‍, ആരോപണങ്ങള്‍ സന്തോഷ് ബാബു തള്ളിക്കളഞ്ഞിരുന്നു.
Follow Us/sathyam/media/agency_attachments/5VspLzgrB7PML1PH6Ix6.png)
