പരീക്ഷാർഥികൾക്ക് ഫ്രറ്റേണിറ്റി കോവിഡ്-19 പ്രതിരോധ ബൂത്തുകൾ തുടങ്ങി

മലപ്പുറം : 'അതിജീവനത്തിനായി സാഹോദര്യത്തിന്റെ കരുതൽ' ക്യാമ്പയിനിന്റെ ഭാഗമായി ഫ്രറ്റേണിറ്റി മൂവ്മെന്റ് സംസ്ഥാനത്തുടനീളം നടത്തുന്ന കോവിഡ് 19 പ്രതിരോധ ബൂത്തുകൾ ജില്ലയിലെ വിവിധ കേന്ദ്രങ്ങളിൽ തുടങ്ങി.

മാസ്ക്, സാനിറ്റൈസർ, ഹാൻഡ് വാഷ്, പ്രതിരോധ മാർഗനിർദേശങ്ങൾ എന്നിവയാണ് വിവിധ സ്കൂളുകൾക്ക് മുന്നിൽ സ്ഥാപിച്ച ബൂത്തുകളിൽ സജ്ജീകരിച്ചിരിക്കുന്നത്. കോവിഡ്-19 സുരക്ഷാ മാനദണ്ഡങ്ങൾ പൂർണമായും പാലിച്ചുകൊണ്ടാണ് ബൂത്തുകൾ ഒരുക്കിയിരിക്കുന്നത്.

പരീക്ഷാ കേന്ദ്രങ്ങളിൽ എത്താൻ പ്രയാസപ്പെടുന്ന വിദ്യാർത്ഥികൾക്ക് യാത്രാസൗകര്യവും വിവിധ കേന്ദ്രങ്ങളിൽ ഫ്രറ്റേണിറ്റി ഒരുക്കിയിട്ടുണ്ട്.