മെഗാ സ്റ്റാര് മമ്മൂട്ടിയുടെ നായികയായി തെന്നിന്ത്യൻ സുന്ദരി അനുഷ്ക ഷെട്ടിയെത്തുന്നു. മമ്മൂട്ടിയുടെ ഏറ്റവും പുതിയ ചിത്രം പരോളിന്റെ സംവിധായകൻ ശരത് സന്ദിത് ആണ് അനുഷ്ക-മമ്മൂട്ടി ചിത്രത്തെക്കുറിച്ചുള്ള സൂചന നൽകിയത്.
പരോളിന് മുമ്പായാണ് മമ്മൂട്ടിയെ വെച്ച് ഒരു ബിഗ് ബജറ്റ് ചിത്ര൦ പ്ലാന് ചെയ്തത്. അനുഷ്ക ഷെട്ടിയെ നായികയാക്കാനും തീരുമാനിച്ചിരുന്നു. എന്നാൽ അത് ഡേറ്റ് പ്രശ്നമായതിനാൽ നടക്കാതെ പോയി. എന്നാൽ പരോളിന്റെ റിലീസിന് ശേഷം ചിത്രത്തിന്റെ പ്രാരംഭ പണികൾ തുടങ്ങുമെന്ന് ശരത് ഒരു ഒാൺലൈൻ മാധ്യമത്തോട് പറഞ്ഞു.
ചെന്നൈയിലുള്ള പ്രശസ്തനായ ഒരു എഴുത്തുകാരനാണ് ഈ സിനിമയ്ക്ക് വേണ്ടി കഥയും തിരക്കഥയും ഒരുക്കുന്നത്.